Olive Cafe (新領域廣場) (已結業)

早幾日同謙謙去新領域到完驗眼，順便係樓下餐廳到食晚餐先回家，Olive cafe 晚餐選擇都好多款， 今次我同謙謙都想食肉為主，所以就分別叫左一豬一牛 😁。⚛ Olive德國鹹豬手 ～ 好大隻豬手仲要鐵板上，外脆焗得超香脆，豬手肉質咸咸地又腍，點附送的蜜糖食特別唔同。⚛ Olive 牛扒 ～ 石燒牛扒85g ， 完全自己操控想食幾成熟都得，岩哂我心水， 因我想謙謙食熟d ， 自己就食7成都得 😆， 牛扒肉質ok 配上他們的牛汁， 謙謙可以食哂一碗飯呢！⚛ 日本唐揚魷魚鬚 ～ 估唔到又炸得幾好，粉漿夠薄， 魷魚鬚夠彈牙。呢到最正係，只要叫左主菜，湯和沙律就可以飲食， 羅宋湯煲得夠哂入味，湯的蔬菜料又夠豐富，忍唔住飲左兩碗， 而沙律菜都幾新鮮，之後自行落芝麻醬食幾好。走時見到門口好多人等外賣，原來外賣有特價餐，下次都可以過來買外賣回家慢慢嘆。