影片
更多
2019-07-10
1190 瀏覽
香港人很喜歡品嘗唔同酒店嘅自助餐，自助早午餐，半自助餐。 慶祝朋友生日今晚揀咗《如心艾朗酒店》旗下嘅Forte 半自助晚餐。酒店坐落於觀塘舊區嘅工廈附近。 樓底高，裝修高雅富格調。 自助嘅食物就喺餐廳正中央圍住一個正方形， 擺放得整整齊齊， 又係時候手機先食～~晚餐有多款唔同嘅主菜可供選擇， 更可加$200升級和牛牛扒。 可以喺二ipad睇到各款主菜， 圖文並茂非常清晰。點咗主菜， 就開始食吓冷盤，前菜。 食到咁上下可以同返侍應講你幾點想上主菜。海鮮冷盤嘅位置唔算好大， 不過每款質素唔錯。 蟹腳雖然唔係好粗大，但係肉質夠鮮鮮，夠甜， 唔會好鹹。 細細隻嘅海蟹都有少少膏。 青口肉質好嫩滑， 凍海蝦肉質夠彈牙， 但唔夠甜。重點係佢嘅凍鮮鮑魚， 浸咗清酒更凸顯其鮮味， 肉質又柔軟， 一個人食三四隻都冇問題！凍海鮮keep住都有refill, 唔使點排隊。基本嘅芝士區當然不缺👍👍沙律吧有多款冷盤， 前菜都非常吸引。可以試試這款芝麻醬雞蛋， 滑滑的蛋黄混和芝麻醬非常美味，一啲都唔覺得有生蛋黃嘅腥味。冷麵都好精美，細細份。❤️湯有兩款中式西式。 南瓜湯好濃郁好甜， 配嘅麵包keep 住熱， 款式多樣
香港人很喜歡品嘗唔同酒店嘅自助餐，自助早午餐，半自助餐。 慶祝朋友生日今晚揀咗《如心艾朗酒店》旗下嘅Forte 半自助晚餐。
酒店坐落於觀塘舊區嘅工廈附近。 樓底高，裝修高雅富格調。 自助嘅食物就喺餐廳正中央圍住一個正方形， 擺放得整整齊齊， 又係時候手機先食～~
晚餐有多款唔同嘅主菜可供選擇， 更可加$200升級和牛牛扒。 可以喺二ipad睇到各款主菜， 圖文並茂非常清晰。
點咗主菜， 就開始食吓冷盤，前菜。 食到咁上下可以同返侍應講你幾點想上主菜。
海鮮冷盤嘅位置唔算好大， 不過每款質素唔錯。 蟹腳雖然唔係好粗大，但係肉質夠鮮鮮，夠甜， 唔會好鹹。 細細隻嘅海蟹都有少少膏。 青口肉質好嫩滑， 凍海蝦肉質夠彈牙， 但唔夠甜。
重點係佢嘅凍鮮鮑魚， 浸咗清酒更凸顯其鮮味， 肉質又柔軟， 一個人食三四隻都冇問題！
凍海鮮keep住都有refill, 唔使點排隊。
基本嘅芝士區當然不缺👍👍
沙律吧有多款冷盤， 前菜都非常吸引。
可以試試這款芝麻醬雞蛋， 滑滑的蛋黄混和芝麻醬非常美味，一啲都唔覺得有生蛋黃嘅腥味。
冷麵都好精美，細細份。❤️
湯有兩款中式西式。 南瓜湯好濃郁好甜， 配嘅麵包keep 住熱， 款式多樣～❤️
餐廳中段時間都有鈴聲提醒有美食快閃推出， 手快有手慢冇要出去排隊攞。
檸檬牛油白蜆， 香噴噴，個汁尤其美味！
另一款快閃限定：避風塘大蝦， 蒜味超香！勁大隻蝦！
仲有成個芝士燒熱熔起嘅芝士忌廉意粉～ 濃濃嘅芝士。
擂沙湯丸，唔好錯過熱辣辣㗎， 湯丸軟熟裏面流出熱辣辣嘅芝麻超美味 。而且唔係一般酒店自助餐可以食到。
自助区你會較少見到熱葷， 亦因此要留肚食番自己揀嘅主菜～
可以一試嘅仲有12種味道嘅焗蠔， 款款都有特色， 韓式泡菜焗蠔， 芝士焗蠔， 和風紫菜焗蠔。。 印像中試咗五款唔同囗味！😋
慢燒鹿兒島茶美豚肩扒
17 瀏覽
0 讚好
0 留言
主菜：慢燒鹿兒島茶美豚肩扒
主菜到！ 先放下有成十幾款嘅調味料， 用小小玻璃瓶裝著， 有芥辣，果蓉， 岩鹽，椒蓉～
講返塊豚肩扒， 肉質好有彈性， 厚厚的一塊邊緣部分都非常軟嫩， 咬落係爽嘅， 有啲似豬頸肉部份， 一啲都唔韌，推介！
薑蔥蒸石斑
16 瀏覽
0 讚好
0 留言
真係未試過喺自助餐叫一款蒸魚作主菜❤️
石斑仔細細條蒸得啱啱好, 肉質嫩滑， 特別調教嘅蒸魚豉油更顯鮮味。 冇揀錯喇因為已經食到中途 吃不下其他扒類～～😍
甜品類別也有不少選擇， 有朱古力噴泉， 名款小巧精緻嘅蛋糕， 果凍，奶凍，麵包布甸， 和果子。。 當然王牌魅力就係品牌雪糕❤️
試咗banana cream味 坊間比較少見， 估唔到味道清清地唔會太甜😋👍
吃畢這個半自助晚餐， 唔覺得好飽濟， 整個流程設計唔會一次過狂吃快飽， 係有質素嘅慢慢吃坐吓傾吓， 又唔會坐得好擠迫。
張貼
