蒲點美式酒吧 (已結業)

靚女媽咪覺得呢個半自助餐 食咗咁多次都好滿意， 款式唔算太多， 但係咁嘅價錢保持呢個水準絕對係超值， 而且佢 主菜嘅選擇都唔差， 好多時如果有樣羊架我就一定食羊架， 因為佢嗰啲應該係紐西蘭羊架食法同內蒙嘅羊架相差好遠， 而家呢隻紐西蘭羊架我喺超市買一磅都要100蚊左右， 所以喺呢度食絕對超值， 不過由於個主菜 經常都轉所以今日去到就揀咗食豬肋骨， 個豬肋骨嚟嘅時候我嚇咗一跳咁大份😂， 不過食起上嚟又唔覺喎， 因為佢個汁較得好好其實原來唔係太多肉啫只係骨多😊， 沙律菜選擇唔太多但新鮮， 而且佢有好多已加工嘅沙律都唔錯， 個人認為甜品就最差， 大約有 六至八款 但係 全部真係得個甜字， 我覺得唔食都冇損失， 如果淨食沙律吧唔食主菜都唔使一百蚊好抵嘅， 如果食埋主菜而你又有佢哋利景酒店嘅會員卡就75折找數， 所以其實都好抵嘅， 有時間又喺附近嘅不妨去試下😍