鳴門割烹料理 (已結業)

平時放題食得多，食哩個日式半自助餐都係第一次！見佢$238送磯煮鮑魚都幾吸引😆 首先揀兩款主食，牛肉野菜鍋同埋鍋燒牛柳粒目玉丼。牛肉野菜鍋係我最愛既壽喜燒湯底，味道濃郁。而鍋燒牛柳粒啲牛柳粒同洋蔥都炒得好香，個醬汁撈飯好和味。刺身選擇唔算好多，但係夠新鮮，加埋磯煮鮑魚真係鮮味十足。炸物方面比較鍾意隻芝麻雞翼，滿佈芝麻加上用咗辣汁醃製隻雞翼，好惹味，但嫌佢啲炸物唔夠熱。另外推薦佢哋個明太子玉子燒同巨峰梳打，味道唔錯。