影片
更多
2006-06-17
4 瀏覽
想試呢間酒店餐廳好耐,今日終於成真,由葵芳站坐小巴入黎都好方便;只係落車之後仲要行一大段路至到(呢間餐廳係盛逸酒店,要過左第一間華逸酒店至到。)酒店規模唔大,由lobby已經睇到,餐廳個reception永遠無人,客人要行入餐廳至有侍應帶位。餐廳真係幾細,不過樓底好高,加埋燈光暗暗地所以感覺都好舒服。而家呢度無左dinner buffet,改為星期五、六、日有半自助餐($98)。今日主菜有4款揀,我地揀左三款:炆牛尾配寬意粉:同事話好咸、wing wing話ok,所以唔知邊個評語至啱。炸豬扒他他汁:小朋友齋食炸薯角,豬扒由呢三個女子瓜分,豬扒炸得好香脆,但好漏!! 煎三文魚扒: 三文魚煎得香脆唔腥,加上少少類似香草忌廉汁,味道ok,伴碟菜反而幾骨子有煙肉卷青瓜、甘筍同炸薯蓉,反而伴碟菜好似仲好味d。餐湯有眉豆花生雞腳豬骨湯同忌廉薯蓉湯,呢度又係中湯好過西湯,味道真係好似阿媽煲既老火湯,雞腳都煲到淋晒,正!!沙律款式都好多,粟米、菠蘿、煙三文魚、沙律菜都有,我用一碟沙律菜試勻佢4款沙律汁=p 4個人一致認為日式冷麵同海草最正!!日式冷麵用紅色八爪魚黎撈,wing wing話味道好似炒麵加
酒店規模唔大,由lobby已經睇到,餐廳個reception永遠無人,客人要行入餐廳至有侍應帶位。餐廳真係幾細,不過樓底好高,加埋燈光暗暗地所以感覺都好舒服。
而家呢度無左dinner buffet,改為星期五、六、日有半自助餐($98)。今日主菜有4款揀,我地揀左三款:
炆牛尾配寬意粉:同事話好咸、wing wing話ok,所以唔知邊個評語至啱。
炸豬扒他他汁:小朋友齋食炸薯角,豬扒由呢三個女子瓜分,豬扒炸得好香脆,但好漏!!
煎三文魚扒: 三文魚煎得香脆唔腥,加上少少類似香草忌廉汁,味道ok,伴碟菜反而幾骨子有煙肉卷青瓜、甘筍同炸薯蓉,反而伴碟菜好似仲好味d。
餐湯有眉豆花生雞腳豬骨湯同忌廉薯蓉湯,呢度又係中湯好過西湯,味道真係好似阿媽煲既老火湯,雞腳都煲到淋晒,正!!
沙律款式都好多,粟米、菠蘿、煙三文魚、沙律菜都有,我用一碟沙律菜試勻佢4款沙律汁=p 4個人一致認為日式冷麵同海草最正!!日式冷麵用紅色八爪魚黎撈,wing wing話味道好似炒麵加甜醬,笑死我!!
甜品款式唔太多,西式只有tiramisu(軟淋淋口感無酒味,味道ok)、朱古力蛋糕(質感好實味道ok)、紐約芝士餅(芝士味唔太濃,味道普通)、橙味方形蛋糕(質感柔軟,感覺似食美心蛋糕)、泡夫(睇落淋pat pat 無試)、jelly糖(煙煙un un,好耐無食過就食番粒,ok啦)、焦糖燉蛋(焦糖超甜,燉蛋幾滑),中式就有綠豆沙(無臭草味又無海帶,得糯米同綠豆,清熱氣之用)。
生果:只有西瓜、蜜瓜、菠蘿,甜菠蘿比我地幾個消滅晒。
包餐茶一杯,凍檸茶都算ok,幫助消化。最好既地方係提供長鐵匙!!!唔駛用d攪酒棒呀、椰子樹黎篤檸檬。
總括黎講,呢度唔可以同外面自助餐比較,食物無論質素、選擇、味道都只係不過不失,不過勝在環境清靜少人,用百零蚊就可以享受到個舒服晚餐,呢樣叫做幾好。
2位侍應服務態度都好好,我係電話已經問佢地有無蠟燭提供,今晚我一問佢地即刻幫我拎出黎,真係麻煩晒!另外呢度既洗手間好清潔,最鐘意個透明碗狀洗手盤=p
張貼
