Moi Moi (已結業)

中環有間越南餐廳MoiMoi最近新推出左越式半自助餐，一個價錢就可以試橫跨中、南、北部越南唔同城市既特色小菜，包括首都河內牙車快、海防蟹肉春卷、美奈海蜇沙律、峴港燒蜆、順化小米糕、芽莊燒沙爹豬肉串、西貢蔗蝦等。作為一個沿海國家，蝦、扇貝、各種海鮮的菜式一定唔少得，而越南菜式一向都會常用魚露、醬油、香草、香料去作拌汁或拌菜，而呢間餐廳既魚露同醬油仲要係自家製既，配上唔同菜式去食真係突顯哂d鮮味同層次感出黎，認真夠哂心思☺️值得一提既有：海防蟹肉春卷——春卷薄皮可口，但又未至於一咬就會跌到成台都係碎，蟹肉有醃製過唔洗額外沾醬汁都已經好惹味👍🏾西貢蔗蝦——有時係出面食蔗蝦或者蝦球都有機會好似食緊泥膠咁，因為可能加左好多麵粉或者其他肉類去整，但呢到既蔗蝦真係啖啖鮮蝦肉，除此之外串住蝦肉既蔗甘甜解渴，食完舊蝦都忍唔住咬多兩啖蔗😂越式甜品三色珍多——由花生、啫喱、紅豆同椰奶製成，椰奶既香配以花生、啫喱、紅豆呢三樣口感完全唔一樣既食材，估唔到食起上黎又幾夾😍仲有少少似紅豆冰既味添，食完一個即刻引唔住要食多幾個，仲唔會腬(漏)，鍾意食甜品既一定要試🤓另外，比多$78仲可以加多1款主菜，總共有5款可以選擇