影片
更多
2023-06-03
52 瀏覽
今次介紹嘅呢間餐廳地理位置幾方便，喺寶琳地鐵站行過去都係幾分鐘嘅事，到咗新都城中心三期一上電梯即刻見到。餐廳採用半開放式嘅設計，空間感較強，光線亦好充足，整體環境係舒適嘅👍🏻。特別要講一講個二人餐，$228有以下咁多款食物，我自己覺得幾抵食😛，另外仲有四人餐($438)，可以揀多一款主菜添！🥘#大頭蝦冬陰功湯▪️有半隻大頭蝦，蝦膏甜甜地幾正✨▪️有些少椰奶味，面頭有一層辣椒油，有一定嘅辣度，如果唔食得辣最好隔走佢▪️材料仲有雞髀菇、三色椒、草菇等等🍖#泰式燒烤拼盤 (細)▪️一份有齊單骨雞翼、雞肉、豬肉、蕃茄、泰國酸辣肉腸、沙律🤩▪️另配有沙爹醬，入面有好多花生粒▪️沙律酸酸咪咪幾開胃▪️酸辣肉腸最特別，入面混合咗好多香料▪️兩個人分享可以試到唔同款式又唔會食到滯晒😆🐔#泰式無骨海南雞 (半隻)▪️起晒骨超方便▪️雞髀同雞背肉最滑，配酸辣汁最夾▪️醃蘿蔔唔會太酸，爽脆得嚟又解膩✨🥬#馬拉盞炒通菜▪️通菜新鮮，份量好足夠😍▪️馬拉盞唔會太鹹，有少少辣椒中和返🍤#炸蝦春捲 (跟餐另外加$20)▪️一份兩大條，有泰式辣醬可以沾▪️一條春卷一隻蝦，仲有小小芹菜包左係入面🐷#泰式燒豬頸肉 (跟餐另外加$20)▪️一份大概有六至
今次介紹嘅呢間餐廳地理位置幾方便，喺寶琳地鐵站行過去都係幾分鐘嘅事，到咗新都城中心三期一上電梯即刻見到。餐廳採用半開放式嘅設計，空間感較強，光線亦好充足，整體環境係舒適嘅👍🏻。
特別要講一講個二人餐，$228有以下咁多款食物，我自己覺得幾抵食😛，另外仲有四人餐($438)，可以揀多一款主菜添！
🥘#大頭蝦冬陰功湯
▪️有半隻大頭蝦，蝦膏甜甜地幾正✨
▪️有些少椰奶味，面頭有一層辣椒油，有一定嘅辣度，如果唔食得辣最好隔走佢
▪️材料仲有雞髀菇、三色椒、草菇等等
🍖#泰式燒烤拼盤 (細)
▪️一份有齊單骨雞翼、雞肉、豬肉、蕃茄、泰國酸辣肉腸、沙律🤩
▪️另配有沙爹醬，入面有好多花生粒
▪️沙律酸酸咪咪幾開胃
▪️酸辣肉腸最特別，入面混合咗好多香料
▪️兩個人分享可以試到唔同款式又唔會食到滯晒😆
🐔#泰式無骨海南雞 (半隻)
▪️起晒骨超方便
▪️雞髀同雞背肉最滑，配酸辣汁最夾
▪️醃蘿蔔唔會太酸，爽脆得嚟又解膩✨
🥬#馬拉盞炒通菜
▪️通菜新鮮，份量好足夠😍
▪️馬拉盞唔會太鹹，有少少辣椒中和返
🍤#炸蝦春捲 (跟餐另外加$20)
▪️一份兩大條，有泰式辣醬可以沾
▪️一條春卷一隻蝦，仲有小小芹菜包左係入面
🐷#泰式燒豬頸肉 (跟餐另外加$20)
▪️一份大概有六至七片，同旁邊嘅酸辣汁味道幾夾
▪️咬落去仲有少少碳烤嘅味道
▪️邊邊位就少少脆卜卜，配白飯好爽
🧋#泰式奶茶
▪️味道較甜
▪️有一種類似香草嘅味道
🥤#泰式奶綠
▪️有淡淡抹茶香
▪️飲落冇普通泰式奶茶咁甜
另外跟餐可以揀兩個主食，建議大家同我哋一樣叫一個白飯+印度薄餅。總括而言成個二人餐好豐富，差啲張枱都擺唔落😆，一個餐試都咁多款泰菜CP值算高。
張貼
