嘆住食 (已結業)

嘆住食，齋聽個名，以為係間好平民嘅茶記，估唔到係一間令人好有驚喜嘅半隱世西餐廳。好耐冇食過有質素嘅意大利飯😭，呢度嘅輕煎帶子伴蝦膏蟹肉意大利飯我就非常滿意，無論係飯粒嘅生熟程度同軟硬度，醬汁嘅調味同稀稠度，以至係帶子嘅 size 同鮮味，蟹肉嘅份量等等，全部都冇咩好挑剔，感動🥰。餐湯亦一啲都唔馬虎，係煙肉薯仔忌廉湯，勁 creamy，湯入面嘅煙肉，薯仔粒份量都唔算少，既好味，又有咬口。又係勁滿足嘅一餐🥰。