映水芙蓉 (海運大廈) (已結業)

呢間新派川菜位於海港城入面環境裝修偏比較似西餐廳裝修風格而且有好多落地玻璃面海 打卡食飯一流酸菜魚🐟唔會太辣，對於鍾意食正宗川菜既人略嫌唔夠辣，相對來講外面有好多正宗川菜可能會煮得更好食敲糖棒棒雞🍬新派涼菜，運用中國吹糖工藝，將辣油裝到葫蘆型既糖入面，店員會先俾你打卡然後再將糖敲碎再攪拌，儀式咁滿滿！雞肉好嫩滑不過個人認為甜既程度係會比辣多，所以怕辣人士唔需要擔心毛血旺🍲不過辣度依然唔算辣，但非常足料，毛肚，豬血，黃喉，菇等等都好多，份量之大係食到最後仲剩返好多要打包拎走哈哈哈串串香🍢一邊係紅油裝肉類同內臟，另一邊係比較清淡既蔬菜，相對來講味道合格但食落冇乜特色千絲西葫蘆🥒賣相好好睇，店員會幫你淋上醬汁，可以撕開好似青瓜絲咁，味道酸帶微辣好開胃甜燒白🍚喺甜甜既糯米飯，如果食辣配上呢個飯去解辣係一個唔錯既選擇，雖然本人唔覺得辣😂武隆烤腦花🧠算係咁多微信相對比較辣既一道菜，先會食到面層配料既麻辣香味，再食到底層嫩滑既腦花，口感好似食緊豆腐花咁，之後你會覺得越食越辣金湯勾翅🐟非常足料，翅份量足，湯十分濃，會漿口，感受到滿滿骨膠原充斥着你既口腔！飲完已經覺得飽紅糖糍粑🍡最後甜品環節，同外面既紅