牛記茶餐廳

營業中

休息中

昨日星期日見天氣好轉,又好耐都無去南丫島釣魚,於是就起行啦...去到時係下午1點半多D,見到牛記好似裝修過,橫惦又未食飯想話食完先釣魚,咁咪行入去囉,張餐單變得好簡單,以前多野食,算啦食飽釣魚姐,叫左個揚州炒飯..捧埋來..嘩.....D飯一舊舊炒唔散,又淋啤啤,又無味,好勉強食左半碟,真係早知照原本預算去食車仔麵就算數,以為我碟炒飯唔惦姐...點知見隔離檯個鬼妹食緊碟炒米粉..但係個鬼妹食左都無半碟就起身走人..望埋其他檯...好多都係無食晒...當堂明白晒..以後寧願係碼頭間士多仔焗個杯麵都唔再食牛記..真係超難食!忽然感覺另一間係附近有得睇海景ge茶餐廳D野原來都唔係太差(以前覺得幾差架)