Shelly Cake Express

營業中

休息中

上文提到我哋上星期六到南丫島住咗一晚，順便幫兩個朋友慶祝生日，所以之前兩日起Shelly度訂咗個兩磅嘅芒果乳酩芝士蛋糕。取餅當日我大约下午四点幾到，Shelly話因為太忙，所以餅面嘅裝飾未做，要我等佢十分鐘，無問題啦，講真我有啲唔好意思，因為當時我同兩個朋友同埋兩個細路坐咗起度等，都唔知有無第二啲客以為客滿，所以唔敢入嚟！雖然Shelly起匆忙之中做餅面裝飾，但係睇得出佢好花心機！當晚急不及待試蛋糕，蛋糕有淡淡芝士味夾雜芒果粒，唔太甜，感覺好清新，如果配杯咖啡就一流啦！雖然個蛋糕都唔平(要$180一磅！)，但係同其他集團式經營連鎖店不能相比，希望我生日嘅時候都收到一個Shelly整嘅蛋糕啦！