KoBaNe by Minimal

營業中

休息中

最近發現有啲忽略左屋企戈3隻貓，所以今次決定帶我屋企嘅港長（阿Bei)&緬因(蕃薯）兩隻去荃灣嘅南豐紗廠玩下。南豐紗廠寵物友善嘅餐廳都唔少，今次試嘅就係《KoBaNe by Minimal》，餐廳主打簡約木質風格，環境舒適。壽喜燒牛肩肉鹿茸菇燴飯牛肉片煮到腍先，中間再放左一隻流心蛋，食之前先攪拌均勻，待飯粒吸引哂蛋液就可以食啦。味道有壽喜燒嘅甜味，而牛肉又有牛脂香，味道平衡得好好。鰻魚蕎麥麵夏天就最啱食番碗冰凍蕎麥麵，麵身彈牙又清爽，加上外層燒到焦香嘅鰻魚，啖啖魚肉鮨香。日本白桃荔枝沙冰配鐵觀音雪糕淡粉紅嘅冰沙打卡真係好靚，沙冰入口即溶。底層仲有充滿茶香嘅鐵觀音雪糕和白桃肉，甜到入心。蕃薯伊予酥盒配陳皮柑橘雪葩 紙鶴原來係紫蕃做成，可以成隻食落肚，好得意。另外酥盒香脆又有牛油香，加埋酸甜嘅陳皮柑橘雪葩 一啲都唔會膩。自家製海鹽焦糖咖啡充滿果仁香氣，又帶海鹽嘅咸味。