影片
更多
2015-03-08
8538 瀏覽
作為一位由細食客家炆豬肉&門鱔食到大的土生土長香港人, 口味同城市長大的人會有些少分別… 雖然我地唔係姓鄧, 由我地條村行去佢地嘅圍城都只係幾分鐘路程… 我唔敢講邊種味道先係正宗, 我只會講邊種味道係我兒時食到的, 個人口味嘅o野, 無得Challenge…以前過年過節, 祖母健步如飛之時, 我地無食過盤菜, 所有傳統客家菜都係獨立一碟碟上枱, 唔會撈埋一堆… 老實講, 盤菜又點會好味, 所有o野撈埋一齊, 我眼中只有1)難食同2)味道都唔錯食得落…出來社會做事後, 唔想祖母咁辛苦, 盤菜就偶爾係我地屋企出現… 再加幾味自煮小菜&煲個住家靚湯…盤菜已經食過幾十家, 只有2家係我覺得較為好味… 其中1家係呢間…盤菜的賣相不外乎都係一堆o野咁… 食落肚前緊記要徹底翻熱…大堆頭材料包括: -* 屏山神仙雞* 手打梅花鮫魚丸* 炸鮮門鱔* 雞汁燴花菇* 油炮海蝦* 炆本地鮮豬肉* 自發土魷* 五香豬皮* 南乳支竹* 蘿蔔我食盤菜永遠都係摷炆豬肉先, 大家唔好亂學, 係非常危險的行為, 好容易引發山泥傾瀉… 南乳味夠重, 香得來又唔會過鹹, 豬肉軟腍腍唔會乾柴柴, OK, 你合格了…有門鱔自動加
盤菜
548 瀏覽
1 讚好
0 留言
以前過年過節, 祖母健步如飛之時, 我地無食過盤菜, 所有傳統客家菜都係獨立一碟碟上枱, 唔會撈埋一堆… 老實講, 盤菜又點會好味, 所有o野撈埋一齊, 我眼中只有1)難食同2)味道都唔錯食得落…
出來社會做事後, 唔想祖母咁辛苦, 盤菜就偶爾係我地屋企出現… 再加幾味自煮小菜&煲個住家靚湯…
盤菜已經食過幾十家, 只有2家係我覺得較為好味… 其中1家係呢間…
盤菜的賣相不外乎都係一堆o野咁… 食落肚前緊記要徹底翻熱…
大堆頭材料包括: -
* 屏山神仙雞
* 手打梅花鮫魚丸
* 炸鮮門鱔
* 雞汁燴花菇
* 油炮海蝦
* 炆本地鮮豬肉
* 自發土魷
* 五香豬皮
* 南乳支竹
* 蘿蔔
我食盤菜永遠都係摷炆豬肉先, 大家唔好亂學, 係非常危險的行為, 好容易引發山泥傾瀉… 南乳味夠重, 香得來又唔會過鹹, 豬肉軟腍腍唔會乾柴柴, OK, 你合格了…
有門鱔自動加分~ 唔係因為好味, 只是找到了兒時的回憶…
然後開始攻豬皮、支竹、蘿蔔… 支竹有韌力, 真係食極唔厭… 蘿蔔清甜無渣… 豬皮係口內彈吓彈吓…
Honey食咗好多花菇, 夠啦, 唔好再食啦, 我驚你唔消化呀…
雞肉有彈性, 好味… 土魷好香, 有o趙頭...
整體味道真係唔錯, 南乳夠晒香, 唔會過鹹, 材料口感又唔錯, 唔會淋到溶咁, 可以Encore~
<<嚴正聲明>> 如果閣下未食過盤菜, 又無必要食盤菜, 就唔好幻想到盤菜好好味, 千山萬水去一試… 我地只係家人太多(四代同堂), 懶煮咁大家族的餸ssss, 先無奈要借外援…
張貼
