怡園粥麵小廚 (已結業)

今日放工要去美孚上堂，得15分鐘食飯，唔知食乜好，亂撞入咗怡園。店舖小小，但都坐到20人到。有飯有麵，都幾多選擇。今晚試咗南乳豬手飯，仲有湯送，唔錯。碟飯大大碟，豬手都有三大件，賣相唔錯。南乳豬手好入味，d軟骨好好味，南乳汁撈飯又正，食到我成個佬咁。 個湯係老黃瓜湯，唔多油，算唔錯。$47食到飯同飲呢個湯，算係不過不失。侍應服務態度親切，唔係d唔憂做趕人走嘅侍應，就算要你搭枱，都會有禮貌咁叫你去搭。