南亞冰室

營業中

休息中

今日約左讀書時的好朋友，因為由細識到大，食咩都唔介意，所以我地又去左朗豪坊熟食市場食啦，熟食市場終於裝潢完，換左新枱櫈、照明、冷氣，令到成個街市都比以前舒服更多。有幾間都係我平時的最愛，諗左好耐，最後決定左食南亞冰室的洋蔥雞扒飯配熱奶茶，由細食到大，呢家都只係加到33蚊，其實都真係算係咁。叫左食物之後就要等叫號碼拎食物，等左大約五分鐘就有了，不過見到佢的洋蔥汁超橙同"杰"身(印象中以前唔係咁，不過近幾年叫炒粉麵多，唔太記得)，但係食落去個味係ok㗎喎，同一般洋蔥汁分別不太大，不過個人而言，略嫌洋蔥少左啲，同埋洋蔥味都係唔太夠，但味道係ok的。雞扒比起以前好似細左，每塊有約半隻手掌大，有兩塊的所以都唔錯，呢家有附埋刀仔方便客人切。奶茶方面都係正常奶茶，雖然未稱得上好滑，但都無失準，不過不失，都係我最愛的飲品之選。