Saravanaa Bhavan (已搬遷) 新店位置

雖然我唔係成日食印度野, 但我上網睇D外國人話都話呢間印度餐廳係正宗南印度味道, 而且喺好多國家都有店. 試試咩係南印度味道先.蕃茄洋蔥班戟- 班戟有D似港式薄罉, 班戟本身係由米攸成, 加左已經有香辣味, 唔配醬汁食味道已經不錯,再試埋3個唔同嘅醬, 真係唔知係咩醬, 白色醬汁帶點椰奶味.橙色帶點酸辣, 黃色就有少少甜少少辣, 非常惹味!!咖哩椰菜(上), 咖哩芝士(下),香料烤包-  不得不讚呢間野D咖哩! 同我喺其他印度餐廳食過嘅印度咖哩好唔同, 呢度個咖哩香料味濃, 辣度適中, 唔係死咸死辣, 重慶嗰D 真係行埋一邊… 香料烤包上有小茴香,芫茜(好似芫茜, 但冇強烈芫茜味), 配咖哩食一流!印度牛油煎餅- 因為個咖哩太好食, 所以叫多個牛油煎餅. 但相信佢地唔係用牛油, 因為呢間餐廳係食素嘅, 所以應該只係翻譯上問題.辣蒜雜菜- 呢個真係比佢個名呃左, 黎到點知係咁嘅樣, 要問問waiter 先知呢碟係咩… 唔係好食得出蒜味, 可能比辣味蓋過了, 呢個係我地點嘅最辣一個dish.炸磨菇- 完全睇唔出佢係炸磨菇, 但食落有驚喜呀,真係好好食!!! 磨菇應該係先炸再加入醬汁洋蔥香料