南小館Plus (已結業)

今日同朋友相約食下午餐，因為大家都好忙，冇咩時間見面，所以約下午餐就方便點，我地今日食嘅係南小館。其實我都係第一次食呢間，平時如果經過都會覺得價錢幾貴咁，今日朋友話好食又吾知食乜，貴都試下啦，反正我估應該都好食掛。入到去環境算舒適，地方整齊乾淨，吾洗點等位，好快有位坐就嗌野食，我地兩人嗌左四樣， 無錫小龍包，蝦肉麻醬炒手，排骨擔擔面，清燉牛面。吾洗好耐就熱辣辣送到！先講下無錫小龍包，好好食，皮好薄，但小心夾起吾會爛，一咬汁很好，很熱，有少少辣親咀，不過吾緊要因為好好食，建議係個頭嗌一小口吹一吹入面d湯先食，因為好熱，食落要小心。其次係蝦肉炒手，都好辣下，我就食吾係好到，可能頭先俾小龍包辣親咀食吾到辣，但就好香，軟身，不過不失。兩碗面， 排骨擔擔面同清燉牛面，我個人就較喜歡後者，因為好清甜，好香牛味，牛煲到好林，但略厭份量吾太足夠，因為作為女仔嚟講都有點厭少，而擔擔面好香麻味，排骨就少少un，所以我覺得好一般！整體嚟講都算可以，少少貴，味道有讚有普通，但地方舒適，服務可以接受，都係一個休閒傾天好地方。