一茗堂 (南山商場) (已結業)

今日同友人去南山邨打卡，見到街市附近有一間cafe，裝修得都幾文青，價格又合理，所以就去試下。午市套餐非常優惠，附送沙律或餐湯香和餐飲，加$8可以配酸種麵包。我同友人一人嗌一個餐再追加小食。羅宋湯同黑醋沙律都係正常發揮。酸種麵包表面好脆，入面好軟熟，不錯！雙層吉列魚柳漢堡配脆炸薯條吉列魚柳同埋薯條都係即炸，非常熱辣辣。魚柳包入面嘅醬汁同生菜可以減低燻魚柳嘅油膩感！餡料都好多，魚柳好嫩無雪藏味。薯條係粗薯條，口感加分，好脆。追加小食-日式明太子雞翼無骨雞翼內全都是明太子，因為即炸所以都等咗一陣，非常熱辣辣。雞翼外脆內軟，一人一隻有d唔夠喉招牌雞扒煎蛋配白飯、時令蔬菜、蒜蓉汁雞扒大塊得嚟都幾嫩，個雞皮煎到好香。飯上面嘅太陽蛋好正，用蛋黃撈飯再配雞排。呢個價錢嚟講，cp值好高。跟餐半價就可以飲到特飲，我哋分別叫咗杯海鹽焦糖鮮奶咖啡同埋藍蝶白桃寒天梳打。海鹽焦糖鮮奶咖啡奶味濃郁，加了海鹽和焦糖的點綴，增加咖啡的層次感。藍蝶白桃寒天梳打，蝶豆花嘅顏色好靚，飲品不算太甜，不錯，粒粒寒天好好口感。