樂天經典 (已結業)

今日既生日飯，有家人為我慶祝，要照顧到媽媽既口味，都係想揀啲中式菜食，見到位於加拿芬廣場既《樂天經典》話主打「南洋風味中式菜餚」，啲菜式係由中國人食譜再加入南洋食材和香料演化出來，幾特別甘，一行四人一於試下。好鐘意食蟹嘅我，生日梗要食豪啲。我揀左星洲黑胡椒蟹😍🦀🦀。胡椒蟹一放低，香濃惹味的黑胡椒，香氣撲鼻，跟蟹一拍即合，蟹肉新鮮夠甜，滋味十足。魚蝦蟹都比我地叫哂，青芥末蝦球，古法蒸黃花魚同油浸銀鱈魚。全部都好新鮮，個蝦我從來都未食過呢個做法架。👍菜叫左四大天王同腐乳空心菜，我特別推介四大天王，呢碟菜有四季豆，荷蘭豆，茄子同秋葵，個醬汁好開胃惹味。叫多個飯飽肚啲，福建雞丁燴飯，叫個細size，都幾大碟。甜品我地叫左三色桂花班蘭糕，賣相相當吸引，班蘭、椰汁、桂花三個味相當夾，糕好清甜，我自己一個食左三件。🤣🤣