樂天經典 (已結業)

傳統嘅中菜食得多，有時都想試啲新嘢！今次就去咗樂天經典食南洋風味嘅中菜，估唔到選擇都幾多而且都幾啱我哋口味。地方亦都好闊落，坐得好舒服。餐前小食都整得好食。花生同栗子都好淋好入味。我哋先要咗個海蜇頭做小食，調味辣辣地、酸酸地咁㗎，幾開胃！跟住我哋要咗個麥皮蝦球，必食推介呀，口感好特別，好好食！蝦球新鮮、爽口！跟住我哋要左半隻脆皮燒雞，皮脆肉嫩，而且調味都好好食！如果食得辣嘅人，仲可以點小小辣汁，更加惹味啊！主食叫咗海鮮王炒飯，雖然我地點細size，但係份量已經好多！個飯炒得唔錯，好乾身，好足料！之後叫咗飲品同甜品。檸檬薏米水清清地，可以消滯。椰子西米露一碗得兩粒，唔夠喉呀呢度食嘢環境唔錯，下次一大班朋友可以嚟呢度開餐。