樂天經典 (奧海城二期)

營業中

休息中

都有一段時間冇外出用膳，今次同朋友聚舊，相約係大角咀。餐廳地方甚廣，裝潢設計感覺舒適，難怪座無虛席。聚寶海鮮豆腐大部份主菜有分大、中、小，3個份量，等大家唔會做大嘥鬼。呢個聚寶海鮮豆腐有4件，豆腐面佈滿有肉鬆碎，吃一口豆腐，嘩一聲，完全冇諗過口感咁嫩滑，配埋濃調既湯汁同埋海鮮粒，好食到大家搶住食最後一件。家鄉海鮮炒麵線賣相真係差左少少，但食落又真係有陣家鄉味。雖然好簡單咁用鮮蝦、魷魚、雞蛋、紅蘿蔔、芽菜和椰菜炒，但炒得夠乾爽香而且唔油膩，家既味道大概就係咁。 三色桂花班蘭糕呢個甜品賣相靚到未食已經覺得吸引，最頂係晶瑩剔透既桂花糕，味道清甜，中間係班蘭糕，不過唔太食得出，最底既椰汁糕味道最濃。整體感覺清涼，不失為一個好食既飯後甜品。