影片
更多
2019-08-05
3724 瀏覽
喺訂枱app見到Picada呢間餐廳係食南美嘢所以想試吓，因為近嚟食咗幾間阿根廷🇦🇷餐廳都唔錯，幾啱食😁。喺app訂位就算星期六dinner時間都有50%off👍🏻，由於我哋食完飯仲有節目，所以就早啲食，5點半去到餐廳果然未有人，得另外一枱客，但唔知係咪啱啱落場清潔完，又少人冷氣唔係好勁，所以陣漂白水味真係勁刺鼻🤢，我覺得陣味真係last到我差唔多埋單，間餐廳多人啲先無味😑😑，呢樣真係扣分位，但環境本身幾唔錯，民族風，又大。講返食物，佢menu以唔同theme做主題，例如jungle, mountain, coast等，佢有做2人/4人dinner set添，但2人set就只限於同一個region(同一版揀)🤔，有時想食嘅嘢真係未必喺哂到，所以都係散叫(同埋咁先用到discount🙈)。不過老實講，如果啱食佢個set好抵，仲有埋甜品。望住menu無圖，真係未必幻想到每樣係咩嚟，剩係睇下有咩配料嚟揀🤣。前菜要咗兩樣，第一樣係Salmon Skewers🐟(2pcs)($148)。三文魚粒串燒配有三色椒同洋蔥，有2串，🍢每串都有成3大嚿三文魚，份量一啲都唔孤寒，呢樣係expected嘅好食
喺訂枱app見到Picada呢間餐廳係食南美嘢所以想試吓，因為近嚟食咗幾間阿根廷🇦🇷餐廳都唔錯，幾啱食😁。喺app訂位就算星期六dinner時間都有50%off👍🏻，由於我哋食完飯仲有節目，所以就早啲食，5點半去到餐廳果然未有人，得另外一枱客，但唔知係咪啱啱落場清潔完，又少人冷氣唔係好勁，所以陣漂白水味真係勁刺鼻🤢，我覺得陣味真係last到我差唔多埋單，間餐廳多人啲先無味😑😑，呢樣真係扣分位，但環境本身幾唔錯，民族風，又大。
講返食物，佢menu以唔同theme做主題，例如jungle, mountain, coast等，佢有做2人/4人dinner set添，但2人set就只限於同一個region(同一版揀)🤔，有時想食嘅嘢真係未必喺哂到，所以都係散叫(同埋咁先用到discount🙈)。不過老實講，如果啱食佢個set好抵，仲有埋甜品。
Salmon Skewers
$148
106 瀏覽
0 讚好
0 留言
望住menu無圖，真係未必幻想到每樣係咩嚟，剩係睇下有咩配料嚟揀🤣。前菜要咗兩樣，第一樣係Salmon Skewers🐟(2pcs)($148)。三文魚粒串燒配有三色椒同洋蔥，有2串，🍢每串都有成3大嚿三文魚，份量一啲都唔孤寒，呢樣係expected嘅好食，夠香口亦肉嫩，調味正，因為呢樣嘢一般都唔會整到難食得去邊🙈。
Tostones Bite
$138
55 瀏覽
0 讚好
0 留言
另一樣係Tostones Bites(3pcs)($138)，呢樣上碟超精美啊，其實叫嘅時候唔知道係咩嚟，純粹見到有slow-cooked pork🐽同牛油果🥑就叫咗，一嚿Bite係有塊好似炸米餅兜形嘅嘢裝住啲手撕豬肉、牛油果同蘋果蓉，個餡有少少辣🌶味更加吊味惹味，成個組合超夾好正啊，強烈推介👍🏻👍🏻👍🏻。後尾睇返menu原來外層係fried plantain，即係炸大蕉❔❓，我都唔係好sure，不過我覺得可以脆啲，尤其耐咗會較韌，但整體都係好好食。
Patagonian Charcoal Steak
$298
86 瀏覽
0 讚好
0 留言
主食亦都叫咗兩樣，第一樣係🥩Patagonian Charcoal Steak(9oz)($288)，呢個之前見朋友叫過都幾吸引，外層黑黑的，但絕對唔係燶咗，雖然我都唔係好知點解咁黑🙈。塊扒好大塊(有3塊)又夠厚，有肉香又入味，係邊位有少少筋姐。除咗塊扒，下面有勁多藜麥飯，仲混合埋啲蔬菜🥬紅蘿蔔🥕西蘭花🥦青瓜等，無諗過伴碟嘅都會咁好食，好夠味，而且份量係超多超多超多❗️❕(重要嘅嘢要講三次😂)。2個女仔成大碟清哂😚。
Grilled octopus
$268
74 瀏覽
0 讚好
0 留言
另一樣主食就係🐙Grilled Octopus($268)，本身都滿有期望，點知就出事喇🤦🏼♀️。首先一開始上碟都好靚好大碟，啲八爪魚腳又好大條(有4/5條到)，但一切一食，咦唔係應該彈牙架咩😥，個質感勁似老火湯煲完啲章魚湯渣煲咗幾個鐘咁淋哂😑😑，雖然個味係ok。但我真係expect係炸魷魚鬚果啲咁爽口囉......至於配菜方面，係🍠紫薯蓉，唔係普通薯蓉，係幾特別嘅，但自己本身麻麻紫薯，覺得比較滯，而佢亦煮得比較油，所以食唔哂(另一原因係佢個份量又係加加大)，成碟最好食係啲磨菇🍄🙈。
總括嚟講，我覺得呢餐都唔錯，首先食物質素好😋(除咗八爪魚)，而且款式特別，份量奇多!!!我覺得我哋叫嘅食物夠哂三個人食👍🏻👍🏻，價錢嚟講如果叫餐都ok，但散叫又無discount就真係偏貴了💸，不過位處於蘭桂坊區都係差唔多呢個價位，嚟開呢頭玩都可以試吓喺到開餐。另外，店員服務都唔錯，會主動幫你加水同收碟，不過最敗筆都係陣揮之不去嘅漂白水味🤮。
張貼
