影片
更多
2021-09-27
15 瀏覽
好鍾意南豐紗廠嘅休閒感覺，呢到嘅Cafe或者餐廳好多都唔錯，我以前都好鍾意嚟食嘢😚今次嚟到呢間Cafe食晚餐，佢哋算係入面開得比較夜嘅餐廳。.兩款主食都好食。意大利雲吞入面嘅菠菜芝士餡食落好香，配上蕃茄汁食酸酸甜甜好開胃。一份有六隻意大利雲吞，兩個人share啱啱好。烤焗芝士忌廉黑松露貝殼粉就咁聞落已經有好香黑松露味，配上芝士同忌廉汁，食落味道濃郁。.海鹽法式吐司係必叫！雖然望落個toast好似煎到有啲燶，但食落又冇乜嘢，都係好香蛋味。toast質感好fluffy！食落蓬鬆軟綿又唔會好似食咗陣風咁嗰種，係我好鍾意嘅口感。海鹽cream非常輕滑，屬於唔會好溜嗰種cream，不過我覺得cream份量可以少番啲🤣特別一讚個maple syrup係原樽上，而且甜度適中，可以放心倒落個French toast到🥰.另外我哋都叫咗件蛋糕食，揀咗熱情果芝士蛋糕($42)，個樣真係好靚，成個芝士咁🧀🤣熱情果芝士蛋糕入面有熱情果流心，不過食落有啲酸。cheesecake部份係輕盈嗰種，唔係硬身new york cheesecake嗰隻。.飲品方面因為我想飲fresh啲嘅嘢，所以我叫咗蜜桃乳酪特飲($58
今次嚟到呢間Cafe食晚餐，佢哋算係入面開得比較夜嘅餐廳。
.
兩款主食都好食。
意大利雲吞入面嘅菠菜芝士餡食落好香，配上蕃茄汁食酸酸甜甜好開胃。
一份有六隻意大利雲吞，兩個人share啱啱好。
烤焗芝士忌廉黑松露貝殼粉就咁聞落已經有好香黑松露味，配上芝士同忌廉汁，食落味道濃郁。
.
海鹽法式吐司係必叫！
雖然望落個toast好似煎到有啲燶，但食落又冇乜嘢，都係好香蛋味。
toast質感好fluffy！食落蓬鬆軟綿又唔會好似食咗陣風咁嗰種，係我好鍾意嘅口感。
海鹽cream非常輕滑，屬於唔會好溜嗰種cream，不過我覺得cream份量可以少番啲🤣
特別一讚個maple syrup係原樽上，而且甜度適中，可以放心倒落個French toast到🥰
.
另外我哋都叫咗件蛋糕食，揀咗熱情果芝士蛋糕($42)，個樣真係好靚，成個芝士咁🧀🤣
熱情果芝士蛋糕入面有熱情果流心，不過食落有啲酸。
cheesecake部份係輕盈嗰種，唔係硬身new york cheesecake嗰隻。
.
飲品方面因為我想飲fresh啲嘅嘢，所以我叫咗蜜桃乳酪特飲($58)。
最有驚喜係佢哋將舊蜜桃雪喺粒冰入面，飲到中間啲冰融咗就可以食埋舊蜜桃。
朋友個杯熱情果伯爵茶配雜果冰($42)入面都有好多生果都雪喺冰入面，幾得意🙈
.
整體感覺唔錯，兩款主食同埋個French Toast最有驚喜。
張貼
