影片
更多
2019-07-03
734 瀏覽
星期日同朋友一行三人，去沙田嘅文化博物館，睇大英博物館藏品展。我地約左下晝三點半等，諗住黎呢間 cafe 飲杯咖啡食個 tea 先慢慢睇。點知一去到博物館，離遠就見到 cafe 門口排長龍，唯有放棄。點知當我地睇完展覽諗住走個時，竟然冇人排隊，我地一行三人即刻衝入去。明明同文化博物館只係隔左一塊玻璃，但一入黎個環境同氣氛即刻唔同哂。由於已經係下晝五點，我地幾個都好肚餓，以 tea 黎講都點左幾多嘢。Manu 上嘅食物同飲品選擇唔算非常多，但勝左咩都有 d。甜嘅、咸嘅、飽肚嘅都有。日式帆立貝鰹魚湯烏冬。除左帆立貝同鰹魚片，個烏冬仲有蟹柳、炸蝦球，好豐富，味道不錯。辣牛油水牛城雞翼。其實只係個醬辣，雞翼本身係唔辣。味道不過不失。芝士薯條。個薯條好大份，大份到可以當正餐咁食。Cappuccino，cafe 黎講算幾好。但朋友係咖啡精，飲開靚咖啡，佢就話普通。雙重朱古力沙冰，濃郁得黎唔太甜，上面嘅朱古力碎好脆，非常好飲。臨走經過隔黎枱，聞到好香嘅 waffle 味，下次一定要試下。總括黎講，氣氛同飲品係非常好，食品都係水準之上，價錢合理，難怪咁多人排隊。
我地約左下晝三點半等，諗住黎呢間 cafe 飲杯咖啡食個 tea 先慢慢睇。點知一去到博物館，離遠就見到 cafe 門口排長龍，唯有放棄。點知當我地睇完展覽諗住走個時，竟然冇人排隊，我地一行三人即刻衝入去。
明明同文化博物館只係隔左一塊玻璃，但一入黎個環境同氣氛即刻唔同哂。
由於已經係下晝五點，我地幾個都好肚餓，以 tea 黎講都點左幾多嘢。
Manu 上嘅食物同飲品選擇唔算非常多，但勝左咩都有 d。甜嘅、咸嘅、飽肚嘅都有。
日式帆立貝鰹魚湯烏冬
69 瀏覽
0 讚好
0 留言
日式帆立貝鰹魚湯烏冬。除左帆立貝同鰹魚片，個烏冬仲有蟹柳、炸蝦球，好豐富，味道不錯。
辣牛油水牛城雞翼
46 瀏覽
0 讚好
0 留言
辣牛油水牛城雞翼。其實只係個醬辣，雞翼本身係唔辣。味道不過不失。
芝士薯條
42 瀏覽
0 讚好
0 留言
芝士薯條。個薯條好大份，大份到可以當正餐咁食。
Cappuccino，cafe 黎講算幾好。但朋友係咖啡精，飲開靚咖啡，佢就話普通。
雙重朱古力沙冰，濃郁得黎唔太甜，上面嘅朱古力碎好脆，非常好飲。
臨走經過隔黎枱，聞到好香嘅 waffle 味，下次一定要試下。
總括黎講，氣氛同飲品係非常好，食品都係水準之上，價錢合理，難怪咁多人排隊。
張貼
