漁樂鍋 (已結業)

經開黃浦做野，有朋友帶左我去打邊爐，卜卜蜆鍋一上台，我就知道朋友無揀錯餐廳。我估一鍋蜆超過2斤😍😍😍絕對會同朋友再去食多幾次的高質邊爐。兩個人食左約5百蚊左右，食到盡興而歸。絕非一般放題火鍋可以相比，睇相已經知道高質，卜卜蜆鍋做湯底，鮮甜得般隻隻都超大粒！手切肥牛，鮮蝦雲吞，牛肚都食到出係誠意之作，呢個價錢簡直超值。肥牛入口即化，牛味濃郁，非一般雪藏貨可以相比。雲吞同牛肚都有驚喜，雲吞似手包，粒粒同彈牙，有蝦味，牛肚就似鹵水過，一早入曬味。食完之後，整多碗雪耳糖水做飯後甜品，潤一潤，下次就可以再食過😋