壹食就醉

營業中

休息中

今次朋友話食過間野好要帶我去試下! 個間野就係-壹食就醉!因為之前同佢食日本野, 我都好鐘意叫清酒煮蜆, 所以佢話上次係壹食就醉食過個卜卜蜆好正, 就即時諗起我啦~所以我放左工就專程出尖沙咀, 食我地2019年第一餐一齊食既飯!壹食就醉主要都係sell海鮮, 而佢地既酒煮系列就係其中既主主主主主打!因為我地得兩個人, 所以叫唔到好多野, 主要都係叫個卜卜蜆鍋同黃金蝦, 再加左D菜咁~朋友食過真係冇介紹錯!兩個主角都好正啊!先講下個細既清酒卜卜蜆鍋($188)~雖然要188蚊好似好貴, 但其實真係勁多蜆, 4個人share都夠!佢下面完全冇其他野, 全部都係蜆, 蜆同蜆, 真材實料! 更真材實料既係, 真係加左壺清酒落去嫁所以食落真係好香酒味, 加上d蜆都好新鮮, 所以勁鮮甜, 好正! 食到咁上下加d菜落去淥, d菜唔洗點任何野都已經好正~而黃金蝦($198)又係一定要試! 198蚊有6大隻蝦, 每隻都沾滿左咸蛋黃, 好邪惡啊蝦肉又爽又甜, 而且夠大舊, 啖啖肉真係好正~而且係新鮮即做, 岩岩食又係熱辣辣, 又香口, 又脆卜卜, 真係好正, 勁岩送飯呢~最後推薦大家黎壹食就醉試下佢地既海