影片
更多
2011-05-02
79 瀏覽
1月29日, 今晚特登搭個車嚟灣仔, 就係為咗食呢間中東野, 其實都唔太清楚佢地嘅食物係來自土耳其定印度? 印象就只知道有好多羊肉製嘅食品, 仲有兩碌大大舊嘅燒雞肉同燒羊肉喺度轉下轉下咁~ 來到這裏, 終於可以一嚐卡巴了! 呢間ebeneezer店舖細小, 只有舖內2張枱, 同街邊2張, 都係做外賣生意多, 好彩我地去到都有位坐~::: 雞肉卡巴 ::: $52一大條嘅卡巴, 用錫紙包住, 熱辣辣的又實的的, 感覺用料好足~ 一撕開錫紙, 濃濃嘅雞肉味就散發出嚟, 忍唔住要即刻食! 除咗雞肉之外, 中東包包住嘅仲有洋蔥、生菜呀咁, 再加上沙律醬, 味道又鮮又濃, 非常好味! 仲要係由頭食到尾啖啖都有料, 真係好飽好滿足! 好正呀, 呢個卡巴成為我嘅no. 1 飛佛!::: 燒羊肉沙律 ::: $46成個沙律不論係蔬菜、羊肉定沙律, 全部都毫不吝嗇出手勁闊綽!! 菜方面除咗有生菜外, 仲有好多青瓜、甜椒同番茄~ 全部都好新鮮爽脆! 羊肉份量係超級無敵多!! 亦係成個沙律嘅精粹!! 雖然唔係新鮮由碌轉轉燒羊肉切落嚟, 但羊肉翻熱過後仍能散發出羊脂半溶嘅臊香~ 羊肉外層微微焦脆, 內裡油香肉
::: 雞肉卡巴 ::: $52
一大條嘅卡巴, 用錫紙包住, 熱辣辣的又實的的, 感覺用料好足~ 一撕開錫紙, 濃濃嘅雞肉味就散發出嚟, 忍唔住要即刻食! 除咗雞肉之外, 中東包包住嘅仲有洋蔥、生菜呀咁, 再加上沙律醬, 味道又鮮又濃, 非常好味! 仲要係由頭食到尾啖啖都有料, 真係好飽好滿足! 好正呀, 呢個卡巴成為我嘅no. 1 飛佛!
::: 燒羊肉沙律 ::: $46
成個沙律不論係蔬菜、羊肉定沙律, 全部都毫不吝嗇出手勁闊綽!! 菜方面除咗有生菜外, 仲有好多青瓜、甜椒同番茄~ 全部都好新鮮爽脆! 羊肉份量係超級無敵多!! 亦係成個沙律嘅精粹!! 雖然唔係新鮮由碌轉轉燒羊肉切落嚟, 但羊肉翻熱過後仍能散發出羊脂半溶嘅臊香~ 羊肉外層微微焦脆, 內裡油香肉嫩, 本已經好惹味~ 再撈埋乳酪沙律醬同香草醬~ 好好味!!!
儘管佢地食物美味, 服務都算好, 但係衛生只可給最低分… 不得不提係我地食嘅時候, 有一個疑似係乞丐嘅呀伯, 企喺店舖外面, 初時以為佢係等食人地食剩嘅食物, 點知佢會幫客人遞餐同收餐具, 亦會不時走入廚房… 我地都被嚇呆了, 亦都不敢求證係咪店舖有請佢做野… 雖則個呀伯滿口笑容地招呼鬼佬, 但係佢嘅衣著外形也太兀突, 都會嚇怕客人… 所以, 衛生只能給最低分…
張貼
