歇腳亭 (已結業)

星期六無無聊聊落街行下，順便想去飲杯珍珠奶茶過下口癮。歇腳亭喺黃大仙都開左一排，反正未幫襯過，一於去買番杯爽下先。諗諗下剛剛做完運動，如果飲番杯珍珠奶茶，豈不是白做於是就揀其他喇...見到人氣推薦的有荔枝椰果奶茶，雖然都係奶茶，都係高卡飲品，但椰果感覺健康啲。就叫杯無糖試下喇!飲落有淡淡荔枝味其實，叫得依啲topping，都係想多一份口感啫，但係我成杯奶茶飲晒，都吮唔到幾多粒椰果，淨左超多喺杯底😑條飲管吮極都吮唔上啲椰果。而爸爸唔想都係唔想飲奶茶，於是都揀左杯人氣推薦嘅蜂蜜蘆薈冰茶。全糖依杯甜好多，爸爸喜歡吮粒粒蘆薈，啲蘆薈浮晒喺茶面。蜂蜜好清甜，飲落好舒服服務方面都幾好，職員會問你現在飲，還是拎走。如果係即時飲，仲會幫你拮埋飲管，服務周到呢～