School Food (已結業)

週日約左朋友去屯門睇早場戲$50確係抵睇，睇完響屯門市廣場搵野食，一時無咩心水經過就去左這間，下午一點半去到無咩人唔駛等位幾好，價錢都算大眾化。點左三樣野食，二百埋單算係咁。紅葉花卷7件 ($45)賣相退步左以前去食花卷放得好靚，依家連花卷頭尾都放上碟而且仲好鬆散，但味道就唔差，蟹肉青瓜味道清新有軟硬口感！蕃茄海鮮年糕($82)比想像中好味，茄汁唔酸好濃味，年糕好煙韌彈牙，有蝦有蜆多配料，令整體味道豐富。廚師卡邦尼年糕 ($75)卡邦尼汁好濃郁，食落好creamy，沾上年糕好美味，做得好出色，每次來都一定會食，值得推介。