洪記潮州滷味 (已結業)

唔知大家中唔中意食滷味🙈 本人非常喜歡😂 特別係滷水內臟、豆腐之類。今日黎到呢間土瓜灣既潮州滷味，問完店員之後，我決定要叫滷水鴨！要左半隻，先$78，有勁多又好香！果然冇介紹錯，半隻係超級大份，食落都好好味唔會鞋。我仲加左豬耳同鵝腎，3樣野都好大份，一家人一齊食都夠哂🤣🤣 豬耳好好食，軟骨脆卜卜，鵝腎好爽口，唔會過鹹。我見到佢仲有自家制辣油同菜脯，又有魚同蟹😍 等緊外賣時，都有唔少人入內堂食架！店員之後仲介紹南薑雞，的確出面好少有，仲要係佢地自家醃製，下次要試下先！