影片
更多
2004-11-09
64 瀏覽
真係估唔到牛油果姐姐介紹(好野)一間毫不起眼既街坊茶餐廳,能夠做出咁高質素既小菜,就連小弟座旁,對食毫不執著,又無硏究,更加唔知點叫既’山君’都話好,咁就真係無得講:1) 籠仔蒸海蝦糯米飯: 食海鮮就梗係要新鮮,呢味菜既蝦真係好新鮮又彈牙,我囝囝食左五,六隻都仲話要,但個人認為海蝦好似先灼過先然後至放上糯米飯面,因為d飯係生炒糯米飯,唔覺有蝦汁係飯中,不過都炒得好乾身.易入口,又唔太咸,作為第一道菜食蝦先,算合格有餘.2) 羊腩煲: 用當歸,紅棗等葯材,以醉雞鍋方法弄製,將羊肉的羶味蓋過,而且羊肉炆得極淋,湯味濃郁芳香.3) 家鄉魚湯釀豆卜: 好鮮甜,但太辣,魚湯鮮甜與羊腩湯各擅勝場,湯料以大豆芽菜同釀豆卜為主,豆香與魚鮮好配合,不過都係個句~~~~辣!4) 煎封紅魚: 外皮脆而肉嫩,不過又係有d辣喎,有d怪5) 花雕醉蟹: 蟹好似細d,蟹蓋無乜膏,可能流失左,但好香酒味,由老闆之前已告誡唔可以將d汁飲左,因為要用嚟炒蝦子撈伊麵,不過小弟要趕船,無緣一親,可惜.6) 蒜茸蒸扇貝: 大路,無乜特別7) 菜膽蝦膠釀冬菇: 放底既小棠菜可能想淋d,所以煮得發黃,冬菇大小剛好一口咬晒,口感個人
1) 籠仔蒸海蝦糯米飯: 食海鮮就梗係要新鮮,呢味菜既蝦真係好新鮮又彈牙,我囝囝食左五,六隻都仲話要,但個人認為海蝦好似先灼過先然後至放上糯米飯面,因為d飯係生炒糯米飯,唔覺有蝦汁係飯中,不過都炒得好乾身.易入口,又唔太咸,作為第一道菜食蝦先,算合格有餘.
2) 羊腩煲: 用當歸,紅棗等葯材,以醉雞鍋方法弄製,將羊肉的羶味蓋過,而且羊肉炆得極淋,湯味濃郁芳香.
3) 家鄉魚湯釀豆卜: 好鮮甜,但太辣,魚湯鮮甜與羊腩湯各擅勝場,湯料以大豆芽菜同釀豆卜為主,豆香與魚鮮好配合,不過都係個句~~~~辣!
4) 煎封紅魚: 外皮脆而肉嫩,不過又係有d辣喎,有d怪
5) 花雕醉蟹: 蟹好似細d,蟹蓋無乜膏,可能流失左,但好香酒味,由老闆之前已告誡唔可以將d汁飲左,因為要用嚟炒蝦子撈伊麵,不過小弟要趕船,無緣一親,可惜.
6) 蒜茸蒸扇貝: 大路,無乜特別
7) 菜膽蝦膠釀冬菇: 放底既小棠菜可能想淋d,所以煮得發黃,冬菇大小剛好一口咬晒,口感個人覺得唔錯.
8) 蒜香骨: 又係有d辣,喉嚨有開始痛,要收口啦!
其實小菜平均水準合格以上,如果下次有機會再入,又或者牛油果姐姐攪多次(另有獨木舟水球半日戰,邊位寫?),我都會有興趣食多次,因為左右護法係到,戰鬥力只得一半,結果返到屋企,要食多一碗粥加一碗蕃薯糖水!
後記: 快車真係名不虛傳,出菜快如風,唔知係咪慣性d人趕船呢?
張貼