發記 (已結業)

好多人印象中嘅街市熟食中心，都係賣d普普通通嘅炒粉麵，但其實只要細心搵吓，街市都有特式野食嫁～常餐🌟蕃茄濃湯牛肉螺絲粉淨望落去已經見到個湯底顏色超級紅😍，用匙羹𢳂一𢳂見至好多新鮮蕃茄粒，估計佢應該係用左新鮮蕃茄再加大量茄膏煲成🤩，味道非常濃郁，除左蕃茄，湯底仲加左西芹同洋蔥，所以飲落隻味好似羅宋湯咁～而牛肉份量都好多，每件都好淋！螺絲粉軟硬適中，好易掛湯，好正！🌟火腿奄列+牛油方包奄列入面充滿火腿，但略嫌過熟，冇乜蛋汁～方包好軟熟，再加埋塗左薄簿一層牛油，食落唔錯～常餐仲包埋杯飲品，只係賣40幾蚊，好抵呀！