鴻星中菜 (羅氏商業廣場) (已結業)

其實自己好少叫外賣，但最近真係唔想出街，大家都明白咩事，亦希望疫情可以快點受控😅今晚兩個人叫左鴻星中菜外賣，經速遞送到，可以足不出戶就送到屋企，香港人確實幸福😍我計過，由落單到送貨員抵達，大概45分鐘左右，比我預期快，而且包裝企理，有獨立儲存盒分別載上各款食物，白飯，醬汁等等👍🏻打開之後，亦保持到溫度，香噴噴，感覺好幸福😍估唔到連燒腩肉都保持到皮脆肉嫰，份量亦不少，肉汁豐富😍滑蛋蝦仁，蛋香味濃，鮮蝦爽口彈牙，正👍🏻竹笙野菌浸魚腐，濕濕地夠健康，計落送到上門，慳返唔少時間功夫，只係三百多元，不錯的選擇😍