班蘭葉印尼餐廳

營業中

休息中

放工後約朋友係銅鑼灣，順便係呢邊食晚飯。之前經過呢間餐廳好多次，成日俾門外糕點吸引，而今晚就同朋友坐入去試下店內食物。店內佈置好有特色。餐牌上有好多種類食物同飲品選擇。以前就食過唔同印尼菜或其他東南亞美食，珍多冰真係每次必叫。飲落椰汁味幾重同甜，都唔錯。朋友就叫左柑桔青瓜冰，睇落好特別。巴東牛肉花膠湯粉皮。有幾大舊既花膠，牛肉就辣辣地，好重香料味，仲有條秋葵好清爽，湯就好清甜帶少少香料酸味。燒雞班蘭尖塔飯。尖塔飯好得意，有啲班蘭椰香味，燒雞就大大隻同好香。另外仲叫左印尼沙律，加多加多。好多菜同豆腐，配花生醬食夠哂惹味。整體感覺唔錯，同朋友都食得好飽。