Rang Mahal Authentic Indian Cuisine (已結業)

平時喺中環食午餐，耐不耐都會試下呢間印度餐廳，因為佢晏晝有個一百蚊都唔使嘅自助餐，非常抵食。今日夜晚帶同朋友試一試，原來夜晚係冇自助餐供應嘅，不過散叫都唔介意。見到餐牌有二人餐、四人餐、六人餐，不過可能由於假日嘅關係，冇得點餐改為散叫。我地主要點餐廳嘅推介菜式。1) 咖哩配蝦球 (⭐⭐⭐⭐⭐):食印度嘢最出名都係咖哩，食物一點咖哩就超級好味。餐廳咖哩嘅款式非常多，有甜酸咖哩、椰汁咖哩、印式椰汁咖哩、雜菜咖哩同埋辛辣㗎哩，可配嘅肉類就有魚肉、雞肉、蝦球同埋羊肉。由於蝦點咖哩比較特別，今次決定點蝦球配椰汁咖哩，100蚊左右，分量適中，都幾抵食。蝦配咖哩真係一流。2) 芝士燴菠菜蓉 (⭐⭐⭐⭐⭐):芝士燴菠菜呢個配搭都非常特別，因為嗌咗啲肉類，亦都想嗌返啲素菜。芝士上面鋪滿菠菜粒，望落去暗綠色，驟眼睇都唔知呢碟係咩菜嚟嘅。3) 甜湯圓 (⭐⭐⭐⭐💢):最後附送甜品，係印度嘅甜湯圓。外裡湯圓但係個內涵就好似糯米糍咁甜甜地，幾特別。仲有特製甜醬料，結束咗美味既一餐。