屯門咖喱屋

營業中

休息中

今日朋友興致勃勃想食咖喱，我哋就嚟咗喺屯門好出名嘅咖喱屋。適逢食飯時間都有八成滿左架，而且見到服務員同廚師都係印度人，所以覺得呢度嘅咖喱會比較正宗。我哋叫咗個二人餐，價錢唔算好貴。呢個湯係雞湯，而且都算有雞味，不過不失啦。呢個係雞件，就真係唔知食緊啲咩啦，因為已經林晒唔脆啦，而且佢都幾迷你，一啲我都食唔出係雞肉，因為啲粉好厚。至於主菜方便，我哋揀咗咖喱雞同咖喱羊，分量唔算好大，咖喱都算正宗啦，我哋揀咗小辣，就唔會好辣，都充滿印度嘅特色，但可能本人偏愛日式咖喱多啲，而且啲飯都好多唔夠嘅仲可以叫佢裝。呢個應該係烤雞件，啲肉好鞋，而且唔知用左啲咩顏料令到個雞好鮮紅色，感覺吾太好。呢個薄餅都算好食，因為新鮮熱辣，而且都好有咬口。