影片
更多
2018-11-07
38 瀏覽
男友以前上班常常和印度人合作～咁啱傾起今日係印度新年～而且我哋二個都未試過食印度嘢，咁就不如食印度嘢去祝賀一下印度人嘅新年啦！男友提議不如試一下呢間印度素菜，佢以前都會同工作上的印度夥伴來食呢！印度嘢對住我嚟講都係好多naan同埋咖喱，印度素食真係未聽過..好神秘！餐廳唔係重慶大廈，係位於亞士厘道一間大廈裏面，都算係叫做樓上店～上到去有個好光嘅燈箱超級顯眼，原來呢間素食係世界各地都好多分店，應該好有質素保證？！而且牆上面都有一啲印度系嘅裝飾～同埋q嘜商戶優質保證！裡面環境都幾大，有梳化位，比重慶嘅咖喱店多了一份舒適～無咁迫呢！menu有好多款嘢食，唔係淨係咖喱，仲有一個個北印度set餐～同埋menu有中英文對照加埋用咩材料去煮，全部都清清楚楚寫晒喺度，所以有食物敏感嘅都唔驚～我哋首先叫咗杯青檸梳打,好得意，可以揀咸同甜...我揀咗甜味，好清新同埋都有好多青檸肉，證明係真材實料真係用青檸打呢杯嘢飲出嚟！梳打唔會好多氣唔會頂住個胃！仲令到個人開胃咗tim!腰果炒飯 - 本來想叫芝士炒飯但係見到腰果炒飯又覺得好特別，所以揀咗佢～我仲以為係普通印度白米飯加炒腰果～點知來到又好有驚喜～飯嘅顏色係
印度嘢對住我嚟講都係好多naan同埋咖喱，印度素食真係未聽過..好神秘！
餐廳唔係重慶大廈，係位於亞士厘道一間大廈裏面，都算係叫做樓上店～上到去有個好光嘅燈箱
超級顯眼，原來呢間素食係世界各地都好多分店，應該好有質素保證？！
而且牆上面都有一啲印度系嘅裝飾～同埋q嘜商戶優質保證！
裡面環境都幾大，有梳化位，比重慶嘅咖喱店多了一份舒適～無咁迫呢！
menu有好多款嘢食，唔係淨係咖喱，仲有一個個北印度set餐～同埋menu有中英文對照加埋用咩材料去煮，全部都清清楚楚寫晒喺度，所以有食物敏感嘅都唔驚～
我哋首先叫咗杯青檸梳打,好得意，可以揀咸同甜...我揀咗甜味，好清新同埋都有好多青檸肉，證明係真材實料真係用青檸打呢杯嘢飲出嚟！梳打唔會好多氣唔會頂住個胃！仲令到個人開胃咗tim!
腰果炒飯 - 本來想叫芝士炒飯但係見到腰果炒飯又覺得好特別，所以揀咗佢～我仲以為係普通印度白米飯加炒腰果～點知來到又好有驚喜～飯嘅顏色係比較深色，落咗一啲特別嘅香料去炒～個飯質地柔軟，食得出裡面加咗一定數量嘅香料去調味。炒飯唔會太油，值得一讚，另外配以酸瓜沙律醬又令到個飯即刻清新咗
(左)芝士菠菜 - 我每次去食印度嘢都一定會要呢個芝士菠菜～佢呢度個芝士菠菜加咗一啲香料同菠菜去打成菠菜蓉，帶少少辣味~中間有好多粒粒芝士可以中和返啲辣味～份量都唔少呢！雖然佢個賣相係綠色一patpat咁但係我覺得超級好食！拎佢嚟送飯或者點薄餅都好夾呢！(右)咖喱蘑菇 - 呢個我係menu度見到覺得好搞笑，蘑菇都可以整咖喱？呢個咖喱比較多香料，有比較多洋蔥，辣椒等等～食落比芝士菠菜辣一點好開胃，蘑菇係用白蘑菇去做，加咗啲青檸汁好特別，酸酸辣辣咁～
芝士印度薄餅 - 因為一個飯去撈咖哩汁實在太唔夠喉，所以我哋多點了一個芝士印度薄餅～同平時食嘅印度手抓餅又有啲唔同～呢個薄餅油份比較多，裡面都好多芝士～比較香脆可口，用來點咖喱好夾～
最後侍應突然送上一小個甜品～因為今日係印度新年！所以佢哋話想比我哋感受一下印度人新年食啲咩～呢個甜品個名我唔係好記得..哈哈..但係聞落去比較重薑味，不過飲落去又唔係好重薑味，反而好重香料味~裡面有細細粒透明好似珍珠奶茶嗰啲珍珠同埋一啲透明比較煙un嘅粉～幾特別～今次係印度新年可以食到呢間印度素菜好特別，我同男友都多咗一個特別嘅memory呢！我見其他枱啲印度人叫咗一個餐係有一個好大嘅脆脆卷，下次要嚟試下！
張貼
