Saravanaa Bhavan (已搬遷) 新店位置

餐廳位於大廈入面，環境都幾寬敞。餐牌有勁多選擇...酥炸茅屋芝士油條: 外皮香脆，香料味十足。一咬開，入面嘅cottage cheese質地挺身，細嚼下淡淡嘅奶香滲出，感覺特別。點下黃色嘅特式印度醬汁，少少辣，更加惹味。(Btw, 口感有啲似豆腐乾😂)-咖哩芝士咖嘢一入口，唔算太辣，入面有好多配料，例如薯仔、香葉等等。食多幾啖之後，發現好戲在後頭，越食越辣，滿口都係香辣嘅咖哩味，好刺激! 不過，我地揾極都揾唔到芝士，可能溶左入啲咖哩入面掛😂咖哩味好夠，不過芝士味就唔係好覺喇。-印度烤餅 naan印度烤餅新鮮熱辣，攞上手熱騰騰，真正炙手可熱😂一咬落去，質地既軟熟又煙韌，而表面則烤得有少少焦，點埋咖哩食好配合。-印度芝士烤餅 paneer naan相比剛才嘅印度烤餅，尼份印度芝士烤餅就係佢升級版！驟眼望落已經見到油光，聞到陣陣香味。撕開烤餅，發現中間藏住好多芝士粒！入口粒粒芝士，口感好滿足！