影片
更多
2017-09-17
313 瀏覽
平時啲朋友話我鍾意食印度菜真係好鬼奇怪，佢問我唔會覺得印度野會有一種蘇嘅味道咩，特別係嗰啲羊肉，但係其實我就幾鍾意呢種味道，哈哈。今次又唔係正嘅食印度菜咁簡單，仲要去試吓印度嘅素菜。全部素嘅食物去整出嘅印度菜，我估唔到原來選擇都非常之多，淨係個Menu已經有幾十個選擇。但其實睇個名係唔會知道自己想食啲咩架，所以我都係靠睇圖案點嚟食。第一個點嘅呢一個餸，攞出黎就非常知夠排場。佢會有一個湯，一個辣辣地嘅醬汁，另外一個醬汁就係椰子味好重，另外仲會有個薄薄地嘅類似班cake嘅餅。起初大鄉里嘅我飲左一啖嗰個湯之後覺得好酸，好似怪怪地咁樣。之後發現原來係將嗰個餅先點湯，再點辣辣地嘅醬汁，再點埋椰汁。食落去嘅感覺又非常之好喎，我試過單點其中一個味道嚟食，但係食唔到去嗰個好味咁，係一定要溝晒三樣嘢食先至會食到嘅！另外一個點左嚟到印度餐廳食必須要食嘅飛餅，再配西蘭花薯仔。印度嘅飛餅唔需要多講大家都知道係好食架喇，而佢個西蘭花薯仔食落去第一啖就已經有孜然粉味，另外會有d辣辣地嘅咖哩味，惹味十足。兩個人點左兩樣野，唔好見佢好似好少，又淨係齋菜咁樣，其實咁樣食都已經好飽。我仲希望可以多幾個人嚟陪我食，可以食多
今次又唔係正嘅食印度菜咁簡單，仲要去試吓印度嘅素菜。全部素嘅食物去整出嘅印度菜，我估唔到原來選擇都非常之多，淨係個Menu已經有幾十個選擇。但其實睇個名係唔會知道自己想食啲咩架，所以我都係靠睇圖案點嚟食。
第一個點嘅呢一個餸，攞出黎就非常知夠排場。佢會有一個湯，一個辣辣地嘅醬汁，另外一個醬汁就係椰子味好重，另外仲會有個薄薄地嘅類似班cake嘅餅。
起初大鄉里嘅我飲左一啖嗰個湯之後覺得好酸，好似怪怪地咁樣。之後發現原來係將嗰個餅先點湯，再點辣辣地嘅醬汁，再點埋椰汁。
食落去嘅感覺又非常之好喎，我試過單點其中一個味道嚟食，但係食唔到去嗰個好味咁，係一定要溝晒三樣嘢食先至會食到嘅！
另外一個點左嚟到印度餐廳食必須要食嘅飛餅，再配西蘭花薯仔。印度嘅飛餅唔需要多講大家都知道係好食架喇，而佢個西蘭花薯仔食落去第一啖就已經有孜然粉味，另外會有d辣辣地嘅咖哩味，惹味十足。
兩個人點左兩樣野，唔好見佢好似好少，又淨係齋菜咁樣，其實咁樣食都已經好飽。我仲希望可以多幾個人嚟陪我食，可以食多啲唔同嘅嘢添。
張貼
