影片
更多
2019-05-28
95 瀏覽
第一次真係嚟到食印度菜嘅餐廳，感覺好新奇！嚟到打開menu有南北印度嘅菜式，menu有10幾版，版版都密密麻麻，睇到眼花撩亂。因為真係太多選擇，唔知點揀，員工都好熱情推仲啲嘢食俾我地。首先嘢飲嗌咗個mango lassi，好重芒果味，味道唔錯。另外嗌咗貪得意Masala Chaas，其實就似係plain yoghurt嘅味道，為呢餐印度菜帶嚟清新嘅味道。前菜要咗一個Idly Vada, 入面有個似doughnut嘅炸圈同米糕，食落感覺幾得意。成日聽印度薄餅，但真係嚟到食先發現印度菜有好多種餅。首先嗌咗個parotta & vegetable set, 跟餐有一個薯仔咖哩，係我係呢度食最鍾意嘅一款。仲有呢個餐嘅千層餅有啲似我地平時食開啲蔥油餅，好煙韌，點啲咖哩食好夾！另外嗌咗個芝士咖咖加份naan, 呢度啲芝士唔係平時食開個啲半溶拉絲，而係一舊舊咁樣，份咖哩食落都有啲辣，所以要搭埋啲naan食，naan拎上手比頭先種餅乾身少少，都係好煙韌，係我係呢度食嘅3種餅最鍾意一款，唔怪得大家諗起印度餅第一時間都係諗起naan。最尾仲嗌咗個dosa, 嚟到大份到有少少嚇親，拎嚟打卡都幾正！當然唔係淨
成日聽印度薄餅，但真係嚟到食先發現印度菜有好多種餅。首先嗌咗個parotta & vegetable set, 跟餐有一個薯仔咖哩，係我係呢度食最鍾意嘅一款。仲有呢個餐嘅千層餅有啲似我地平時食開啲蔥油餅，好煙韌，點啲咖哩食好夾！另外嗌咗個芝士咖咖加份naan, 呢度啲芝士唔係平時食開個啲半溶拉絲，而係一舊舊咁樣，份咖哩食落都有啲辣，所以要搭埋啲naan食，naan拎上手比頭先種餅乾身少少，都係好煙韌，係我係呢度食嘅3種餅最鍾意一款，唔怪得大家諗起印度餅第一時間都係諗起naan。
最尾仲嗌咗個dosa, 嚟到大份到有少少嚇親，拎嚟打卡都幾正！當然唔係淨係攞嚟影相，味道都係好好。佢係煙韌嘅餅，而係好薄嘅餅中間夾咗啲咖哩，個餅食落有少少芝士味。呢個一定要趁熱佢仲脆身嘅時候食，之後會淋身不過味道都唔會好差。
呢度基本上每道菜都會搭3-4個醬，再加埋咖哩你每一啖都可以點唔同嘅醬食。第一次真係全情用手食嘢，感覺好新奇，下一次要再嚟試吓印度飯！
張貼
