影片
更多
2022-03-27
551 瀏覽
呢間位於樓上鋪嘅印度餐廳，每逢星期日都會變身成為buffet，估唔到佢喺樓上鋪但幫襯嘅人都好多，而且唔剩係得外國人，除咗我之外仲見到幾台香港人，果然香港慢慢接納到印度菜啦。平日去印度餐廳因為主要係印度人開，佢哋多數講英文，而當天我見到有個識講中文嘅人，令到我個心都定啲😅佢除左雞牛羊肉，咖喱，芝士同飯，仲有經常食嘅印度咖喱角。沙律菜乳酪甜品水果都有。甜品足足有兩款咁多，仲要係平時成日見到一直我想食未食過嘅。除咗出面嘅嘢食之外仲包左前菜薄餅同一罐汽水，如果唔想飲汽水就要加返錢叫其他嘢飲。薄餅仲有得揀原味或者蒜蓉，記得一定要叫，好在店員提醒我如果唔係就蝕，當然要是我好鍾意嘅蒜蓉味啦，竟然一皮係咁大塊可以一開四，佢真係好香蒜茸味，唔似之前食過另一間冇乜蒜蓉味但係眼見有蒜蓉。印度脆米餅我好鍾意食，仲記得第一次食印度菜已經深深吸引咗我。裏面除咗會有啲餡料，旁邊仲有薯蓉同埋羅網樹汁。我幾鍾意佢個汁，入面有啲脆脆，食落去加埋一齊辣辣地甜甜地。甜品有甜奶球配特色甜絲同埋玫瑰甜丸子。呢兩樣嘢都係喺印度餐廳甜品常見，估佢唔到又幾好食，平時一份都要70蚊左右，等我食返夠本🤭賣單$180 +1，佢人流好多，唔知
平日去印度餐廳因為主要係印度人開，佢哋多數講英文，而當天我見到有個識講中文嘅人，令到我個心都定啲😅
佢除左雞牛羊肉，咖喱，芝士同飯，仲有經常食嘅印度咖喱角。沙律菜乳酪甜品水果都有。
甜品足足有兩款咁多，仲要係平時成日見到一直我想食未食過嘅。
除咗出面嘅嘢食之外仲包左前菜薄餅同一罐汽水，如果唔想飲汽水就要加返錢叫其他嘢飲。
薄餅仲有得揀原味或者蒜蓉，記得一定要叫，好在店員提醒我如果唔係就蝕，當然要是我好鍾意嘅蒜蓉味啦，竟然一皮係咁大塊可以一開四，佢真係好香蒜茸味，唔似之前食過另一間冇乜蒜蓉味但係眼見有蒜蓉。
印度脆米餅我好鍾意食，仲記得第一次食印度菜已經深深吸引咗我。裏面除咗會有啲餡料，旁邊仲有薯蓉同埋羅網樹汁。我幾鍾意佢個汁，入面有啲脆脆，食落去加埋一齊辣辣地甜甜地。
甜品有甜奶球配特色甜絲同埋玫瑰甜丸子。呢兩樣嘢都係喺印度餐廳甜品常見，估佢唔到又幾好食，平時一份都要70蚊左右，等我食返夠本🤭
賣單$180 +1，佢人流好多，唔知係咪因為佢得星期日有buffet，仲有屋企人帶小朋友嚟食。整體來講我覺得環境都有特色 ，餐廳食物唔錯，啱我口味。
張貼
