Tulsi & Wine (已結業)

係西營盤返工既我，平時附近真係無乜好食，正宗美食沙漠，不過近排同事發掘到附近有新既餐廳開張，唔係普通港式茶餐廳咁簡單，仲要係比較特色既印度菜，中意試新野既我地，一於黎試試，我地叫左以下菜式：1. Chicken Tikka 印度燒雞呢道菜式用鐵鍋盛載，剛燒熱既鐵鍋載住新鮮燒好既雞件，所以上菜既時候仍然keep一定熱度，而且令雞件既香料味散發得更淋漓盡致，一上菜印度香料香氣十足，而食落去雞肉都頗嫩滑，而且無骨啖啖肉，值得一試。2. 雜菜炒飯呢個炒飯配料係栗米綠豆等雜豆，加上唔太辣既咖哩香料，飯炒得略為有點乾身。3. 蒜蓉烤餅烤餅烤得非常到位，唔會太乾，唔會太油，餅內仍然保持適當既煙韌度，基本上即使唔點其他醬汁都唔會覺得好dry而無味。4. 芒果lassi呢杯芒果奶昔芒果味好夠，唔會太甜同酸，飲落有淡淡牛奶同酸乳酪味道，味道不俗