GURU (已結業)

是晚想食辣野，行過好耐冇黎既 Guru，就心血來潮...未上食物，先黎 complimentary 小食 papadums：好香胡椒味，微辣既傳統印度餐廳既小食，脆口，上面仲有洋蔥同蕃茄粒，唔錯！另外，男友想要印式 pickles（即係醃菜），免費追加既係青芒果醃菜，又鹹又酸，唔係所有人口味頭盤係 kur kur baigan，即係炸茄子：香酥惹味，個醬汁少少辣，有少少似食尼泊爾既 momo 點個隻醬，好味！！主菜：Guru mixed tandoori platter：好似鐵板咁，侍應係客面前灑檸檬汁；沙一聲，幾過隱味道好唔錯，特別係雞肉，又入味又嫩滑；個羊肉都有羊酥味，好香，可惜有少少韌...　其他肉類都唔錯，不過唔突出Manchurian vegetables：之前未試過，點知一試之下感覺係：中伏！首先，個賣相真係唔討好，成 pet 野咁；一食落就覺得好鹹，完全食唔出除左鹹之外既味；同埋 D 菜感覺上係將 D 賣唔曬既野搓埋一舊尖粉炸，再落汁煮；菜熟既程度可以話係投胎輪迴左幾次...　勉強食左一粒 "菜丸子" 已經將佢放一邊...Lamb vindaloo：正！又夠辣，羊肉亦嫩