Casa Di Thali (已結業)

📍Casa Di Thali (大角咀)大角咀海庭道8號富榮花園二期地下57號舖好有特色嘅餐廳！ 印度菜+意大利簡直係世界級！ 🌮咖喱配米飯及印度麵餅 提供左三個唔同味道嘅醬汁，三個味道都好特別，我就唔喺呢度詳細介紹，賣一賣個關子等大家去試一試，絕對係食完再想食！ 尤其係佢個麵餅！ 🧆肉丸係用羊肉，豬肉同埋羊奶芝士去製造。提一提大家，會有少少辣味，但真係好少！ 再加埋佢哋個秘製醬汁用黎食肉丸，簡直係一流！ 🍕Spicy Salami Pizza 幾啱唔係好食得辣嘅人（即係小編）佢哋個水牛芝士同埋自製蕃茄醬好入味，好開胃！ 份量超大件，師傅手勢一流，做到個皮好煙韌好有口感。 🍨甜品：拉斯馬萊 Rasmalai 小編第一次食，好特別，特別到唔識形容，極度建議大家去現場試一試。尤其係鍾意牛奶味嘅朋友！ 🔔總結：價錢唔貴，但就有高級享受。尤其係想試一試印度+意大利菜嘅朋友。老闆娘會好細心咁樣解釋俾你聽食物，認識吓唔同種族文化。地點⭐️⭐️⭐️⭐️味道⭐️⭐️⭐️⭐️⭐️環境⭐️⭐️⭐️⭐️服務態度⭐️⭐️⭐️⭐️（5星為最高分）