影片
更多
2016-03-17
1217 瀏覽
是日成班大學同學返學校補影返畢業相，影完周圍搵野食，亂咁行下行下就黎咗呢間餐廳。一行六人，好好彩唔洗等位即刻入得。食物種類其實唔算好多，但大家少接觸印度菜，都揀咗一段時間先做到決定！燒菠蘿菠蘿本身好靚，非常鮮甜。而且，師傅燒得啱啱好，唔會燒到乾晒水，熱熱地更香口，咬落去仲好爽好多汁。酸酸甜甜，的確醒胃！粟米蝦餅話得係fusion菜，當然有多國特色。無論味道同埋醬汁，都同泰式蝦餅非常相似，唯一分別係多咗蔥同粟米。蔥令蝦餅更加香口，粟米亦為啖啖肉加返少少層次、口感。黑松露烤餅以往食印度烤餅最怕就係油、油、同油，更甚仲可能有陣油膱味…好好彩，呢個黑松露烤餅完全冇呢個問題，油度適中，真係非常感動呀！黑松露菌香陣陣，烤餅鬆軟。天多羅新西蘭燒羊架未上枱已經聞到陣陣燒烤香味！七成熟火喉，外面燒得少少脆口，裡面肉質嫩滑多汁。羊羶味不大，微辣，香料非常惹味，稍嫌喧賓奪主，蓋過羊架本身味道。黑松露野菌薄餅味道口感與意式pizza完全係兩回事，呢個pizza相對上軟身，批邊冇咁脆口；芝士同黑松露味濃，其他配菜偏淡味，整體味道不過不失。西米燉蛋必試甜品！燉蛋滑，西米爽，配埋面頭脆脆焦糖，口感一流；甜度亦剛剛好
食物種類其實唔算好多，但大家少接觸印度菜，都揀咗一段時間先做到決定！
燒菠蘿菠蘿本身好靚，非常鮮甜。而且，師傅燒得啱啱好，唔會燒到乾晒水，熱熱地更香口，咬落去仲好爽好多汁。酸酸甜甜，的確醒胃！
粟米蝦餅話得係fusion菜，當然有多國特色。無論味道同埋醬汁，都同泰式蝦餅非常相似，唯一分別係多咗蔥同粟米。蔥令蝦餅更加香口，粟米亦為啖啖肉加返少少層次、口感。
黑松露烤餅以往食印度烤餅最怕就係油、油、同油，更甚仲可能有陣油膱味…好好彩，呢個黑松露烤餅完全冇呢個問題，油度適中，真係非常感動呀！黑松露菌香陣陣，烤餅鬆軟。
天多羅新西蘭燒羊架未上枱已經聞到陣陣燒烤香味！七成熟火喉，外面燒得少少脆口，裡面肉質嫩滑多汁。羊羶味不大，微辣，香料非常惹味，稍嫌喧賓奪主，蓋過羊架本身味道。
黑松露野菌薄餅味道口感與意式pizza完全係兩回事，呢個pizza相對上軟身，批邊冇咁脆口；芝士同黑松露味濃，其他配菜偏淡味，整體味道不過不失。
西米燉蛋必試甜品！燉蛋滑，西米爽，配埋面頭脆脆焦糖，口感一流；甜度亦剛剛好，真正甜而不漏，一人食多兩碗都仲得呀！
張貼
