食飯

營業中

休息中

是夜跟朋友在灣仔看舞台劇，即興走入呢間寧靜的泰菜小店。可能因為傍晚時份，人流不算很多。在一個安靜的角落坐下後，就開始睇餐牌。餐廳以泰北菜為主，雖然睇到好多食客推薦咖喱湯麵，但不太嚐辣的我只好點其他經典泰菜，品嚐真‧泰國大廚的風味。蟹肉奄列賣相比想像中大碟，以香濃蛋漿混合鮮甜蟹肉的奄列，食落其實不錯，可惜大廚調味時未有拌勻，以致食到「一口過鹹、一口偏淡」的情況。豬肉串燒比起典型的一粒粒的豬肉串燒，我比較喜歡一片片的豬肉串燒，食落口感更好，但此餐廳的豬肉串燒的肥肉比例偏多，油膩得嚟又不覺充滿油香，稍稍有點扣分。泰式炒金邊粉至於主菜的泰式炒金邊粉，餐廳可從蝦、雞、豬中揀選一款肉類，我選擇了蝦肉。上枱時雖然見到有兩隻大蝦，但整體分量偏少。味道方面不過不失，調味恰當，亦見花生、醬料等添加不同口感，增加食趣。芒果沙冰正常水準，nice。