Masala Train (已結業)

灣仔有好多Kebab餐廳仔，今日黎呢間係印度Kebab餐廳，一入到去收銀姐姐應該係印度藉，整間鋪都充滿左印味，舖頭好細，坐位得2個，所以都係叫外賣既人區多。Chicken Keema Roll (Spiced minced chicken) $58有嘗試問過姐姐 KEEMA 即係咩肉，不過姐姐都答唔到，又或者係我聽唔明，最後係門口塊餐牌睇到係五香雞丁。個KEBAB係即叫即包，全程都可以睇住姐姐包，感覺係乾淨衞生既，而且見佢包既時候都好足料。個KEBAB好似有成8寸長，又勁粗，入面有洋蔥萫茄椰菜青豆青椒，仲有多咖哩味雞肉碎，真係超足料，而且口味我覺得都好合香港人味道，不錯。另外再叫左個Mango Lassi $25以為係芒果奶昔，但MENU係寫芒果乳酪，飲落冇咩特別，完全因為OPENRICE好多人推介所以試下，,不過真係好普通。$25可以買到其他舖好多野飲。