串 (已結業)

佐敦一間做晚市串燒店， 即叫即整，用料十足，味道濃沃。蒜蓉大扇貝 $58大大粒扇貝燒得好靚，唔會燒得太乾，仲會有蒜蓉汁浸住粒扇貝，成粒扇貝連埋啲汁食落口， 蒜蓉味香濃，扇貝肉彈牙，好好味。蒜蓉牛油金針菇/蒜蓉娃娃菜 $28/$26用了十足，未食已經聞到好香既蒜蓉味，而且大大份，兩個人分都夠食，菜同菇煮得軟淋，好易咬。燒茄子 $38比我想像中大條好多，同樣夠兩個人分，調味粉好似唔使錢咁落咗好多，鋪滿曬成個面，十分惹味，應該有落少少辣椒粉或者七味粉， 鍾意食辣既人應該會鍾意。香草羊架 $48正常一支骨厚切羊架，食落會話太騷，調味調得幾好食，肥瘦分佈適中，有咬口。秘製豬頸肉 $24大細適中既厚切豬頸肉，一啖食落口啖啖肉，肉質軟淋，帶有少少咸味，好食。牧然雞中翼/鹽燒雞全翼 $20/$16雞翼外皮燒得微焦，略帶香脆，唔會整得過熟，裏面仲帶有肉汁，雞肉嫩。牧然粉味道突出，鍾情於牧然粉嘅一定要試。鹽燒都ok，咸味適中。鹽燒雞軟骨/雞皮 $14/$10正常串燒，雞軟骨易咬碎，雞皮滑，咸味適中。