哈比斯燒肉串和咖哩

營業中

休息中

哈比斯燒肉串開咗好多分店，自己本身間中都會去試吓印度嘢，我發現屯門都有，所以去lunch就買咗一個kebab嚟試一試。一行近舖頭已經比陣陣嘅香料味吸引住，佢店面唔算好大，主要係做外賣食物，我叫咗一個烤牛肉味，要70蚊，不過份量相當大，差唔多我成隻手臂咁長。佢入邊都幾足料，除咗片片烤牛肉，仲有唔少蔬菜加埋沙律醬同特製嘅調味，而且識落辣辣地好惹味。而且表皮烤得有少少焦就更香口。值得一讚係牛肉唔會過乾，咬落仲有少少水份，而且佢用錫紙包住，好保暖返到Office仲係熱辣辣，即叫即整即食剛剛好。