文華饕記 (已結業)

平時午市行過見到有唔少打工一族食午餐，唔想逼人，所以一直冇試。今日晚上9點幾都未諗到食乜，一於試下。餐廳裝潢茶餐廳格局，以為食嘅都係常餐快餐，但原來有好多小菜選擇，全部即叫即炒，仲好有鑊氣。今次點咗香港人食大排檔必點嘅菜。生炒骨內脆內軟，醬汁甜甜酸酸，味道適中。魚香茄子煲上菜時熱辣辣，令人熱血沸騰，散發濃郁魚香味，茄子好滑，送飯一流。食咗15分鐘之後仲好熱，相信係用原煲煮完再上。文華炒飯有蝦（都幾大隻）、蛋白、翠玉瓜、瑤柱絲，睇落簡單，但炒得好夠鑊氣，亦好好味，我哋食到一粒飯都冇剩。蟲草花燉雞湯另外點了個蟲草湯，味道香濃，感覺熬咗好耐，亦無放味精，唔錯。